Rutidu Elvin

Bəlkə tanış olaq?

Elvin Məmmədli

Mən Elvin Məmmədli, və ya Rutidu Elvin səyahət etməyi, dağları, təbiətdə gəzməyi (hiking, treking), təbiətdə vaxt keçirməyi (kamp etməyi) çox sevirəm..

Getdiyim yerlərdən qısa vloglar çəkərək həm ora haqqında məlumat verirəm, həm də oranı sizinlə birlikdə kəşf etməyə çalışıram. Bir sözlə gedib gördüklərimi, görüb öyrəndiklərimi sizinlə paylaşmaqdan zövq alıram.

Məni sosial media üzərindən izləsəniz şad olaram...

Bəs niyə bu blog səhifəsini açdım?

İlk öncə onu deyim ki, bu səhifəni sadəcə maraq və əyləncə üçün açmışam. Bir zamanlar Web proqramlaşdırmanı öyrənirdim. Kursdan (Yup Technology) müəllim "blog web səhifəsi" açmağı tapşırmışdı. Və bu şablonu o zamanlar alıb, blog səhifəsi kimi düzəlişlər etməli idim. Amma bəzi şəxsi səbəblərdən kursu yarıda saxlamalı oldum və blog səhifəm yarımçıq qaldı. Və yaxın günlərdə (5 il sonra) bloga yenidən geri dönüb tamamlamaq qərarına gəldim. Buda qarşınızda həmin blog...

BƏS BUNLARI BİLİRDİNİZMİ?

Zirvələr
Hiking və Treking
Təbiəti qoruyaq!

Azərbaycanın ən yüksək dağ zirvələri...

Bazardüzü (Baş Qafqaz)

4466m

Zəfər zirvəsi (Baş Qafqaz)

4301m

Şahdağ (Yan silsilə)

4243m

Tufandağ (Baş Qafqaz)

4206m

Bazaryurd (Baş Qafqaz)

4126m

Yarıdağ (Yan silsilə)

4116m

Çarındağ (Baş Qafqaz)

4079m

Çingiz Mustafayev zirvəsi (Yan silsilə)

4062m

İlham zirvəsi (Yan silsilə)

4042m

Raqdan (Baş Qafqaz)

4020m

Hiking nədir?

Gün ərzində adətən başladığımız nöqtəyə qayıtmaq şərti ilə, kifayət qədər ləvazimat götürərək əvvəlcədən müəyyən edilmiş marşrutlar üzrə getdiyimiz təbiət gəzintilər “hiking” adlanır. Bu marşrutlar adətən əvvəllər kimsə tərəfindən işarələnmiş və ya başqalarının gəzməsi üçün açılan cığırlarla həyata keçirilir. Bu gəzintilər adətən gündəlik və ya həftə sonları, qrup halında edilən təbiət gəzintiləridir. Burada məqsəd şəhər həyatının stresindən uzaqlaşıb təbiətdən həzz almaqdır. Buna görə də, marşrutlar qismən daha asan və ya orta çətinlik dərəcəsində olur. Bu yürüyüşler yarım günlük ve tam günlük olarak planlanır ve çoğu zaman başlangıç ve bitiş noktaları aynıdır.

Treking nədir?

Treking Hiking-ə nisbətən daha uzun və daha çətin marşrutlarla gedilən və adətən gecələr çadır qurub (və ya ev tipli bir yerdə qalıb) və növbəti gün gəzintiyə davam edilən bir fəaliyyətdir. Trekinglər adətən bir və ya bir neçə günlüyünə olur. Trekingin xüsusi bir marşrut xətti olmur. Marşrut hər an dəyişə bilər. Ona görə də treking daha macəralı sayılır və siz sadəcə bir turist yox, daha çox kəşfiyyatçı olursunuz.

Daha gözəl bir dünya üçün, təbiəti qoruyaq...!

Gələcək üçün bir ağacın belə önəmi o qədər çoxdur ki...

Təbiət həmçinin bizim ikinci evimizdir və buranın tək sakinləri biz insanlar deyilik. Təbiət bizimlə bərabər bitki və heyvanlar aləminədə ev sahibliyi etməkdədir. Təbiət yürüyüşləri edərkən, kamplar qurarkən təbiətin flora və faunasına diqqət etmək, xüsusəndə ətrafı zibilləməməyə həssaslıq göstərmək lazımdır.

Geridə buraxtığınız tək iz, ayaq izləriniz olsun!

Elə tullantılar var ki, min illər keçsə də təbiətdən yox olmur. Belə tullantılar dünyanın ekoloji tarazlığına böyük təsir göstərir. Düşünmədən ətraf mühitə atılan tullantıların təbiətə və eko sistemə nə dərəcədə zərər vurduğundan xəbərdarıqmı? İnsanların yaratdığı bu tullantıların yox olması nə qədər vaxt alır? Gəlin buna baxaq:

Penoplast - 5000 - 2 milyon il;
Şüşə butulka - 4000 il;
Plastik - 1000 il;
Uşaq bezləri - 550 il;
Plastik boşqab - 500 il;
Plastik Butulka - 400 il;
Yuyucu vasitə - 400 il;
Taxta parçaları - 15 il;
Saqqız - 5-25 il;

Salam, Mən Elvin Məmmədli

və ya Rutidu Elvin